ILOILO CITY- 100 % nga handa na ang Filipino boxer nga si Vincent Astrolabio sa iya showdown batok kay WBC world bantamweight champion Junto Nakatani sa Hulyo 20 sa Ryogoku Kokugikan sa Tokyo, Japan.
Si Astrolabio nga may record nga 19-4 kag 14 knockouts bilang professional boxer ang nag-abot na sa Japan kag nagapatigayon sang training sa Teiken Boxing Gym sa Tokyo.
Ang 27-anyos nga si Astrolabio nga magaaway para sa world title sa ikaduha nga kahigayunan sa iya career, ang ginakabig nga underdog batok sa current pound-for-pound no.10 Nakatani (27-0, 20KOs), apang dako ang paglaom nga malutos sini ang local favorite sa ila teritoryo.
