ILOILO CITY- Naaktuhan na ang wala nagaandar nga streetlights sa Jalandoni Estate, Lapuz, Iloilo City matapos ginpa-Bombo sang mga concerned citizens.
Sa interview sang Bombo Radyo kay Risly Lorde, pumuluyo sa lugar, iya ginpahayag nga dako gid ang iya pagpasalamat sa Bombo Radyo nga nasapakan ang ila problema kag ginhatagan atensyon sang Iloilo City Engineer’s Office.
Nahibaluan nga 100 meters gid ang madulom nga area bangud nga wala nagasiga ang streetlights.
Pila na man ka mga aksidente ang narecord sa area bangud nga madulom ini.
Sa interview naman sang Bombo Radyo kay Mr. Joel Gerasmia, Electrical Inspector II sang City Engineer’s Office, iya ginpahayag nga na-check na nila ang streetlights kag amat-amat nga gina-repair.
