𝗠𝗔𝗡𝗜𝗟𝗔 — Tuyo sang weightlifter nga si John Ceniza nga makahimo sang maragtas bangud nagalaum ang weightlifting nga makaangkon sang isa pa ka medalya para sa Pilipinas sa 2024 Paris Olympics.
Si Ceniza magapaindis-indis sa 61kg nga kategorya samtang magahimo sang iya debut sa Summer Games.
Ang 26-anyos nga si Ceniza, ang 13 ka tuig na nga naga-weightlifting kag padayon nga naga-uswag sa iya karera.
Maathag nga nagsugod ini tanan sang wala sia gintugutan sang iya utod nga gamiton ang pila sang iya bag-o nga mga kagamitan.
Si Ceniza nagsiling nga siya kag ang kaupod nga Paris weightlifter nga si Elreen Ando nagsugod sa isport nga magkaupod kag karon, ang weightlifting nagahatag sang iya mga kinahanglanon.
Ginpahayag man sini nga ang pag-motivate sang iya kaugalingon, nagbunga sang pilak nga mga medalya sa 2019 kag 2023 nga mga edisyon sang Southeast Asian Games. Nakakuha man siya sang bronze medal sa 2020 International Weightlifting Federation (IWF) sa Rome.
Sang 2024, nakakuha si Ceniza sang kinahanglanon nga mga puntos sa pag-book sang tiket pakadto sa Paris.
Si Ceniza, magakontra sa mga heavyweights sang 61kg weight class.
Ang magabalik sa kategorya amo ang duha ka pinakamataas nga nagtapos sa amo man nga dibisyon sa Tokyo, ang gold medalist nga si Li Frabin sang China kag ang silver medalist nga si Eko Yuli Irawan sang Indonesia.
Magapaindis-indis man sa amo man nga kategorya ang Amerikano nga kampeon nga si Hampton Morris pila ka bulan pagkatapos niya mabutang ang world record sang clean and jerk sa 176 kilograms, ang una nga tion nga ang isa ka Amerikano nakabutang sang world record sa seniors division sa sulod sang 55 ka tuig.
Kalakip si Ceniza sa 22 ka mga Filipino athletes padulong sa Paris. Magaupod siya sa mga kaupod nga weightlifters nga sanday Elreen Ando kag Vanessa Sarno sa nasambit nga torneo.
