๐๐จ๐ฆ๐ง๐ฅ๐๐๐๐ โ Nagpatawag ang Australian Federal Government sang pagsinapol kasunod sang lapnagon nga computer outage nga ginakontrolar sang Microsoft Windows operating system.
Sa interview sang Bombo Radyo kay Bombo Denmark Suede, International Correspondent sa Australia, iya ginpahayag nga indi lang ang pungsod Australia ang naka-eksperyensya sang amo nga hitabo bangud halos bug-os nga kalibutan.
Suno kay Suede, lakip man sa outage ang mga kumpanya nga nakabase sa Pilipinas, bangud sa mga report nga ang ila mga operasyon ang apektado sang problema sa serbisyo sang Microsoft kahapon nga adlaw.
Ginpahayag man sini nga ginaimbestigaran na sang Microsoft ang amo nga issue agud nga liwat nga mabalik sa tayuyon ang mga operasyon sang system.
Ginakabig naman sang Australia nga isa ka national security threat ang natabo nga kinahanglan gilayon nga hatagan sang igtalupangod.
Dako naman nga kapierdehan sa ekonomiya sang Australia ang natabo nga outage, ilabi na sa mga online banking.
Wala naman sang may ginpaguwa nga pahayag ang technology provider nga CrowdStrike, nga nagtuga sang pag-untat sang sistema sang Microsoft sa bug-os nga kalibutan.
Apektado naman ang iban pa nga mga negosyo sa Pilipinas kaangay na lamang sang mga airlines nga Cebu Pacific kag Air Asia.
Nahibaluan nga outage reporting website downdetector.com ang nagapakita man sang pagdamo sang mga user nga nagareport sang mga outage sa cloud computing platform sang Microsoft nga Azure, kag ang iya office productivity suite 365.
