ILOILO CITY- Ginmando na ni Iloilo City Mayor Jerry Treñas ang preemptive evacuation sa mga coastal barangays may kaangtanan maeksperyensiyahan nga dalagko nga mga balud bangud sa habagat.
Sa interview sang Bombo Radyo kay Mayor Treñas, iya ginpahayag nga hugot sa gihapon nga gina-monitor sang City Disaster Risk Reduction and Management Office ang sitwasyon agud nga masiguro ang kabuhi sang mga pumuluyo.
Nagpasalig naman ang alkalde nga magahatag sang financial assistance ang syudad sa mga pamilya nga nadulaan ukon nagub-an sang balay.
Ginsiling naman sang alkalde nga maga-schedule ini sang pagsinapol sa housing department agud makapangita sang relocation site para sa mga residente nga nagaistar sa higad sang baybay.
