ILOILO CITY- Nagdangat na sa 14 ang patay bangud sa paglaslas sang tropical cyclones Butchoy kag Carina nga gin-updan pa sang habagat.
Suno sa National Disaster Risk Reduction and Management Council, walo diri ang validated samtang gina-verify pa ang anom ka mga napatay.
Kapin 245,000 ka mga pamilya ukon 1.1 million ka tawo naman ang apektado sang malain nga panahon.
Yara naman sa 49 ka dalan kag walo ka mga taytay ang nagkalaguba.
Kapin 290 naman ka mga balay ang nahalitan.
Nagpain na ang gobyerno sang P3.8 billion nga aid kag nagpanagtag sang P776,000 nga balor sang assistance.
