ILOILO CITY- Patay ang isa ka lalaki matapos gintiro sa gwa sang isa ka balay-ilimnan sa Barangay Ungka 2, Pavia, Iloilo.
Ang biktima amo si Alyas Jimmy, 28-anyos, residente sang San Miguel, Iloilo samtang ang gunman am si certain Henry nga anay tanod sa Barangay Tacas, Jaro, Iloilo City.
Sa interview sang Bombo Radyo sa tag-iya sang Vergo Bar, iya ginpahayag nga manugpauli na kuntani ang biktima kaupod ang tatlo ka mga abyan sang ila nakabais ang grupo sang suspek sa gwa sang ilimnan nga nagresulta sa tapungulay.
Pahayag niya, didto na naggabot sang pusil ang suspek kag gintiro ang biktima sa ulo nga kabangdanan sang iya kamatayon.
Naggwa naman sa imbestigasyon nga antes ang pagpangluthang, ginhanaan sang biktima sang barbeque stick ang kaupdanan sang suspect nga iya ginpasibangdan nga nagtiklod sa iya.
Padayon naman ang hot pursuit operation matapos nagpalagyo ang suspek.
