PARIS – Samtang ginasaulog sang mga organisador kag mga fans ang pagsugod sang una nga “gender-equal Games” sini nga bulan sa Paris, ang mga atleta sa Paralympic nagaatubang sa gihapon sang madamo nga mga pagbalagbag kag issue sa paglab-ot sang handum sang mga babaye.
Suno sa mga eksperto, ang 2024 Olympics magamarka sang isa ka makasaysayan nga hitabo kon magsugod ini sa Hulyo 26, nga may pareho nga kadamuon sang mga lugar nga gin-alokar sa mga babaye kag lalaki nga mga atleta sa labing-una nga tion, pagkatapos sang tinuig nga pagpanikasog sang International Olympic Committee.
Ginpahayag man sang retired nga Paralympian nga si Alana Nichols, three time gold medalist sa basketball kag alpine skiing nga sa headline lamang wala na nagalakip sang Paralympic (Community).
Ang International Paralympic Committee (IPC) nagapaabot sang mga 55% tubtob 45% nga pagbinahinbahin sa tunga sang mga lalaki kag babayi nga mga competitors sa Paris.
Si Nichols nagpaindis-indis sa iya katapusan nga Hampang sang 2016 kag gindala ang iya trabaho sa adbokasiya sa Women’s Sports Foundation, nga nagserbisyo sa isa ka termino bilang presidente sang non-profit nga organisasyon nga Scout Bassett Grant, kon sa diin, nagahatag sang pinansyal nga suporta para sa mga atleta nga may kasablagan.
Nagsiling man ini nga indi bastante ang mga kababayin-an kag mga dalagita nga nagasulod sa para-sport pipeline agud iduso ang Paralympics sa isa ka patas nga lebel sang partisipasyon sang gender.
Suno kay Nichols, isa ini ka sahi sang proseso sang pagpabakod sang kaugalingon nga nagakatabo sa diin ang mga kababayin-an nga may mga kasablagan, ang may mas manubo nga media coverage kag access.
Samtang, si Craig Spence, ang chief brand kag communications officer sang International Paralympic Committee, nagpahayag nga may yara sang 1,860 female slots para sa Paris Paralympics, nga para sa iya, isa ka daku nga pag-uswag gikan sa 990 nga matigayon sa 2000 Sydney Games apang indi gihapon patas sa tunga sang mga lalaki kag mga babayi.
Nahibaluan nga ang global governing body ang nagtuytoy sang daku nga kantidad padulong sa pagpauswag sang pangkalibutanon nga Paralympic nga hublag halin sang 2016, nga nagabulig sa pagpatas sang patag sang paghampang sa tunga sang mas magagmay nga mga pungsod kag mas naumwad nga National Paralympic Committees.
Kaangay ni Nichols, nakita ni Spence ang grassroots investment bilang yabi sa pagkuha sang madamo nga mga kababayin-an sa adaptive sport.
