TUBUNGAN, ILOILO- Nagapangamuyo na lang ang mga residente sang Brgy. Sibucauan, Tubungan, Iloilo nga isa ka damgo ang nagakatabo sa ila bangud sa daw gin-arado nga dalan sa ila lugar.
Sa interview sang Bombo Radyo kay Marino Garcia, tagreklamo, iya ginpahayag nga kontani wala lang anay gin-ubos bak-bak ang karsada agud nga ang piyak sini ang magamit pa sang mga motorista.
Suno kay Garcia, bangud sa naubos na sang kontraktor kalkal ang karsada, nagtuga ini sang malutak kag mabudlay nga alagyan sa ila.
Ginpahayag man sini nga luwas sa malutak, nagatuga man sang huol ang mga equipment sang kontraktor bangud sa higad lang sang karsada nila ginabilin.
Ginakabalak-an naman sang natungdan ang mga motorista nga nagalabay sa dalan, bangud masami nga nagakadanlog kag may yara pa sang nahulog bangud sa lutak sa dalan.
Ginkwestyon man sini nga kon sa diin nagtig-ululan didto kag ginguba ang dalan agud nga island ukon i-repair.
