𝗜𝗟𝗢𝗜𝗟𝗢 𝗖𝗜𝗧𝗬 —Nagpaathag naman ang Public Assistant Officer ukon ang konduktor sang modernized jeep nga walo lamang ang nagatindog sa modernized jeep sang wala pa nakaabot ini sa Jaro Plaza.
Sa interview sang Bombo Radyo kay Raymundo Boyet Parcon, presidente sang Iloilo City Loop Alliance of Jeepney Owners and Drivers Association (ICLAJODA), iya ginpahayag nga sang yara na ang modern nga jeep sa Jaro Plaza, may nanaog naman nga masobra lima ka mga pasahero, apang may naglagas nga mga pasahero nga magsaka, rason nga naglab-ot sa 11 ang mga nagtilindog.
Suno kay Parcon kag santo sa panaysayon sang konduktor, naglihog ini nga mag-isdog ang lalaki apang nangakig ini kag nagkuha pa sang video.
Ginpahayag man sini nga ginbalik na lang sang konduktor ang plete sang lalaki nga tagreklamo kag ginbalik man sini ang ticket antes ini nga nagpanaog.
Gin-athag man sang natungdan nga 11 lang kag indi 20 ka mga pasahero ang standing sang natabo ang pagbinaisay sang konduktor kag sang pasahero.
Imposible naman suno kay Parcon nga makatindog ang 20 ka mga pasahero bangud sa 12 pa lang, indi na masarangan sang modernized nga jeep.
