𝗜𝗟𝗢𝗜𝗟𝗢 —Preparado na ang Schools Division of Iloilo sa pagbukas sang panibag-o nga school year buwas nga adlaw, Hulyo 29, 2024.
Sa interview sang Bombo Radyo kay Mr. Leonil Salvilla, Spokesperson sang Schools Division of Iloilo, iya ginpahayag nga 100% ready na ang talatapan agud nga abi-abihon ang mga estudyante sa pagbukas sang school year 2024- 2025.
Suno kay Salvilla, antes paman opisyal nga magsugod ang klase kapin isa ka bulan nga may ginpatuman sila nga preparations activities nga kabahin sa pagpanghanda sa pagbukas sang klase.
Ginpahayag man sini nga sang Hulyo 3, 2024, opisyal nga nagsugod ang enrolment sang mga learners kag natapos sang Byernes, Hulyo 26, 2024.
Gindungan man sa enrolment ang Brigada Eskwela nga nag-umpisa sang Hulyo 22, 2024 kag natapos sang Sabado nga adlaw.
Nalakip man sa mga aktibidad ang Oplan Balik Eskwela nga may tinutuyo nga magserbe nga platform mechanism para makalab-ot sa mga learners kag ginikanan ang mga school-opening-related concerns.
