ILOILO CITY- Ginpasiguro sang pamunuan sang Iloilo National High School nga indi lang paghatag sang dekalidad nga edukasyon ang ila prayoridad kundi ang ikaayong lawas man sang mga estudyante.
Ini sa tunga sang nagaduging nga kaso sang dengue nga dala sang lamok.
Sa interview sang Bombo Radyo kay Delorah Cecilia Fantillo, Principal IV sang Iloilo National High School, iya ginpahayag nga sang nagligad nga semana, nakapatigayon na sila sang pagpang-spray sang bulong sa palibot sang eskwelahan agud mapatay ang mga lamok.
Suno kay Fantillo, magalawig sang anom ka bulan ang epekto sang bulong gani makapat-ud sila nga hilway sa balatian nga dengue ang mga estudyante.
Nagpahanumdom man ini sa mga kabataan nga indi lamang sa eskwelahan mangin mahinalungon kundi mangin sa gwa agud malikawan ang amo nga balatian.
