𝗜𝗟𝗢𝗜𝗟𝗢 —Nagakinahanglan sang dugang nga katapo ang Bureau of Jail Management and Penology (BJMP) Region 6 agud nga malab-ot ang ratio sang kinahanglanon nga personnel sa tagsa ka jail facility.
Sa interview sang Bombo Radyo kay Jail Chief Superintendent Simeon Dolojo Jr., Regional Director sang Bureau of Jail Management and Penology Region 6, iya ginpahayag nga kinahanglan sang talatapan ang masbora linibo ka mga personnel agud nga bantayan ang mga jail facilities sa bug-os nga Western Visayas.
Suno kay Dolojo, may yara sang 40 ka mga jail facilities sa rehiyon nga kinahanglan ma-maintain paagi sa bulig sang dugang nga mga personnel.
Gin-athag man sini nga gamay lamang sa numero sang jail facilties ang naga-eskperyensya sang congestion ukon kagutok.
Nagapaabot naman ang talatapan sang mga proyekto agud nga madugangan sang bag-o nga pasilidad kag mabuhinan ang mga jail facility nga may masobra nga sulod.
Nagabalor naman ang pagatukoron nga proyekto sang P240 million nga ginpondohan sang national government.
