ILOILO CITY- Wala napabilin sang Pilipinas ang posisyon sini bilang ikaduha sa pinakadako nga exporter sang saging sa bilog nga kalibutan.
Suno sa official tally sang United Nations’ Food and Agriculture Organization (FAO), nalapawan na sang Guatemala ang Pilipinas kag nabuy-an ang anom ka tuig nga status.
Suno sa Food and Agriculture Organization, ang Guatemala nag-ship sang 2.6 million metric tons sang saging sang nagligad nga tuig, kapin 300,000 MT nga mas mataas sa 2.3 million MT nga gin-export sang Pilipinas.
Ang Ecuador naman ang nagpabilin nga top banana exporter sa kalibutan nga may 6.2 million MT sang total volume sang nagligad nga tuig.
Ang ulihi nga tion nga ang Pilipinas ang third biggest banana exporter sa kalibutan ang sang 2016.
Sunio pa sa Food and Agriculture Organization, wala nalab-ot sang Pilipinas ang global demand sang nagligad nga tuig bangud sa manubo nga output tuga sang seryoso nga mga balatian sa saging.
Sa pihak sini, nagapabilin ang Pilipinas bilang top banana exporter sa Asya.
