PARIS, FRANCE-Nag-agaw sang atensyon ang isa ka table tennis player nga si Zeng Zhiying nga sa edad nga 58, natuman ang handom nga makahampang sa Olympics.
Siya ang ginbun-ag sa China apang iya gintiglawas ang Chile sa Paris Olympics 2024.
Sa edad nga 18, naglaum siya nga makahampang sa Olympics para sa China apang wala gid ini nahatagan sang katumanan.
Bangud sa frustration, nag-retire ini sa hampang sa edad nga 20.
Nagsaylo ini sa Chile kag nag- coach sa pila ka table tennis teams kag sang 2000, nangita ini sang trabaho kag dalayon na nga ginkalimtan ang hampang.
Apang sang naglupok ang COVID-19 pandemic, liwat siya nga naghampang sang table tennis tubtob nga nangin goal niya nga makasulod sa 2024 Olympics kag natuman gid ini paagi sa pagtiglawas sa Chile.
Apisar nga napierde na ini kag nataktak sa preliminary round match batok sa 46-anyos nga Lebanese player Mariana Sahakian, plano niya nga magpabilin nga aktibo sa table tennis.
