Agaw atensyon ang Turkish air pistol shooter matapos naghampang sa 10m air pistol mixed team sa Paris 2024 Olympics sa diin limitado lang ang suksok sini nga gear.
Ini amo si Yusuf Dikec, 51, retired non-commissioned officer sang Turkish Gendarmerie kag myembro sang Jandarma Gücü Sports Club.
Madamo naman ang nagdayaw sa iya bangud kalmado lang ini kag yara pa ang isa sini ka kamot sa iya busla samtang nagahampang.
Nakuha naman sila sang iya teammate nga si Sevval Ilayda Tarhan ang silver medal.
Nahibaluan nga ini na ang ikalima nga Olympic Games ni Dikec humalin sang nagpasakop ini sa 2008 Beijing Olympics.
Ang nakuha sini nga silver medal amo naman ang pinakauna sini nga medalya sa Olympics.
