𝗣𝗔𝗥𝗜𝗦, 𝗙𝗥𝗔𝗡𝗖𝗘 — Sulod na sa Women’s 50 kilograms Boxing Event si Aira Villegas, matapos nga nalutos sini si Algerian Roumaysa Boualam paagi sa unaninimous decision sa prelimary round of 16.
Nakuha sang tiglawas sang Pilipinas ang kabug-usan nga pefect score nga 30 halin sa judge 1 kag 5, samtang 29 naman halin sa judge 2, 3, kag 4 nga nagdala kay Villegas sa quarterfinals.
Nahibaluan nga si Boualam, two-time African Games gold medalist, nakabaton sang ‘bye of round-of-16’ bangud agresibo nga nagsugod ang Filipina kag nagbuya sang mas dalagku nga mga shots.
Apang nakabawi si Boualam agud magdaug sang three of the five sa scorecards gamit ang iya jab sa pag-iskor batok kay Villegas.
Wala naman ini gintugotan sang Filipina boxer nga makabalik sa ikatlo nga tion, nga nagdaug sa ila mga pagbayluhanay gamit ang iya straight left.
Natalana niya nga atubangon ni Villegas si Wassila Lkhadiri sang host France sa Agosto 4, mga alas 3:20 sang aga sa PH time sa Quarterfinals.
Ang kadalag-an batok kay Lkhadiri magapasalig kay Villegas sang isa ka medalya.
Si Villegas, isa ka bronze medalist sa 2019 Southeast Asian Games, ang nakakuha sang iya tiket pakadto sa Paris sang nagligad nga Marso sa 1st Boxing World Olympic Qualification Tournament sa Italya.
