𝗜𝗦𝗥𝗔𝗘𝗟 —Nagaprepar ang national emergency medical service sang Israel para sa sabat gikan sa Hezbollah pagkatapos nga ginpuntirya kag ginpatay sang Israel Defence Forces (IDF) si Fuad Shukr, isa ka mataas nga lider sang terorista nga grupo, sa Beirut.
Ini ang bilang pagbalos sang Israel Defence Forces matapos ang pag-atake sang rocket sang nagligad nga semana nga nagpatay sa 12 ka mga kabataan kag mga teenagers nga Israelinhon sa isa ka soccer field sa Majdal Shams, isa ka banwa nga kalabanan mga Druze sa Golan Heights sang Israel.
Apisar sang mga kumpirmasyon gikan sa Israel Defence Forces kag United States, ginkumpirmar lamang sang Hezbollah ang iya kamatayon sang Miyerkules, sa amo man nga adlaw nga ang lider sang terorismo sang Hamas nga si Ismail Haniyeh nakasugata sang kaanggid nga kapalaran.
Si Aryeh Myers, isa ka paramedic upod kay Magen David Adom (MDA), nagsiling nga ang emergency medical service yara sa mataas nga alerto kag may mga ambulansya kag mga boluntaryo nga handa sa paglakat kon may dugang nga mga pag-atake.
Ginpahayag man ni Myers nga sugod sang Oktubre 7 nga pag-atake sang mga terorismo nga ginpangunahan sang Hamas sa nabagatnan nga Israel, sa diin kapin sa 1,200 ka tawo ang napatay kag kapin sa 250 ang gin-hostage, suno sa mga awtoridad sang Israel, isa ka bag-o nga proyekto ang ginlunsar agud hatagan ang mga sibilyan sang paghanas sa paghatag sang una nga medikal sabat sa mga sitwasyon sang emerhensya.
Ang Magen Project, nga nagakahulugan sang depensa ukon proteksyon, nagatinguha nga mag-intra sang mga katapo sang komunidad nga madasig nga makasabat sa amo nga mga hitabo.
Gin-athag man ni Myers nga ang Magen Project may yara sang mga 33,000 ka mga boluntaryo, nagapat-od nga ang ila mga salakyan sa emerhensya may tawo 24 oras kada adlaw, kag pito ka adlaw kada semana.
Nahibaluan nga sugod sang Oktubre 7, ang mga komunidad nagpabaskog sang ila pagpanghanda para sa palaabuton nga mga pag-atake. Ang mga doktor, mga nars kag mga Emergency Medical Technician (EMT) nagpangita sang dugang nga lebel sang paghanas sa pag-atubang sa mga pasyente nga may trauma.
Bag-o lang man natapos ang Israel sang tatlo ka adlaw nga pungsodnon nga pag-ensayo nga nagahanda para sa posibilidad sang isa ka bug-os nga blackout.
Sa subong, mas madamo nga komunidad ang may mga sibilyan karon nga may pila ka ihibalo sa medisina nga makahatag sang una nga pag-atipan, samtang ang mga serbisyo sa emerhensya nagakinahanglan sang tion sa pagsabat.
