𝗜𝗟𝗢𝗜𝗟𝗢 — Nagapati ang Office of the LGTBQ (Lesbian, Gay, Bisexual, Transgender, and Queer) Affairs nga isa ka homophobic propaganda ang nagaguwa nga mga fake news kaangot sa Algerian boxer nga si Imane Khelif.
Sa interview sang Bombo Radyo kay Gab Umadhay, focal person, Office of the LGBTQ affairs, iya ginpahayag nga ang issue kaangot sa Algerian boxer ang isa ka pagpakanubo sa mga atleta nga naga-ekspersyensya sang intersectionalities ukon epekto sang diskriminasyon sa bahin sang race, gender, class, ability, kag ethnicity sang isa ka tawo.
Suno kay Umadhay, indi madula ang siyentipiko nga pagpamatuod nga may naga-eksister nga tawo nga may yara sang Chromosome abnormality, kaangay na lamang sa Algerian boxer nga si Imane Khelif.
Gin-athag man sini nga indi lang paglimitahan ang kaugalingon nga ihibalo sa isa ka issue agud nga mas mapasangkad ang pag-intindi sa isa ka pagkabutang.
Nagpanugyan man ini sa publiko nga mangin mahinalungon sa pagpili sang mga news articles nga nagatalakay sa amo nga sirkumstansya kag tun-an sang maayo agud ma-edukar ang kaugalingon.
Nagpanindugan man ang natungdan nga indi lugar ang issue sang Algerian boxer agud pasangkaron ang homophobia ukon ang kahadlok, dumot, ukon indi pagsalig sa mga tawo nga tomboy, agi, ukon bisexual.
