𝗜𝗟𝗢𝗜𝗟𝗢 𝗖𝗜𝗧𝗬 —Nagpasiguro ang Iloilo City Police Office (ICPO) nga indi na matabo liwat ang insidente sa The Spot nga bilyaran sa Brgy. Bolilao, Mandurriao, Iloilo City.
Ini kasunod sang ginapahayag nga may nagpustahanay sa exhibition play sa tunga nanday Alyas “Buknoy” kag Jaybee Sucal.
Sa interview sang Bombo Radyo kay Police Colonel Kim Legada, Director sang Iloilo City Police Office, iya ginpahayag nga maga-patrolya ang kapulisan sa nasambit nga bilyaran agud nga i-monitor ini.
Suno kay Legada, indi lang sa amo nga bilyaran ang ila katapo nga magapatrolya, apang sa tanan nga mga bilyaran sa syudad sang Iloilo.
Ginpahayag man sini nga hugot sa gihapon nga ginadumilian sang otoridad ang mga pagpustahanay sa amo nga pahampang.
Nahibaluan temporaryo nga ginsirado ang amo nga bilyaran bangud natukiban sang Business Permits and Licensing Division sang syudad nga wala sang permit ang bilyaran.
Gilayon naman nga nagpasa ang bilayaran sang mga dokumento rason nga liwat naka-operate.
Kun balikan, napuwag ang tanan nga tagtumalan-aw sang bilyaran matapos nga may nagsinggit nga “raid”.
