Nagbubo ang mensahe sang simpatiya halin sa show business matapos nagtaliwan na ang 85-anyos ang beterana nga Filipina film producer kag businesswoman nga si Lily Monteverde ukon mas kilala nga si Mother Lily.
Ini ang ginkumpirma sang iya anak nga si UP Fighting Maroons head coach Goldwin Monteverde.
Sa statement sang pamilya, ginsiling nga napalibutan siya sang iya mga anak kag kaapuhan sa iya katapusan nga inoras diri sa kalibutan kun sa diin nahatagan pa ini sang tyansa nga makapaalam sa iya suod nga mga abyan kag ka-trabaho antes ini ginbawian sang kabuhi.
“Mother Lily was surrounded by her children and grandchildren in her final hours. She was blessed with the chance to say goodbye to her closest friends and associates who bid her farewell yesterday before she left for that trip back home to the Divine Father,” kabahin sang statement.
“The family is at peace now that their mother has not only found rest but has joined their father Remy in that place called eternity – as they were together in life as they will remain together where there is no space or time.”
“The Monteverde family are requesting for your prayers and to cherish the memory of Mother Lily not only as a face of cinema but as a loving mother who she truly was … and will always be forever.”
Kilala siya nga matriarch sang film production company nga Regal Entertainment nga kilala sa mga pelikula kaangay sang “Scorpio Nights,” “Shake, Rattle, & Roll,” “Relasyon,” “Mano Po,” kag iban pa.
Nakabulig man siya nga mapasikat ang karera sang “Regal Babies” kaangay kanday Alma Moreno, Gabby Concepcion, William and Albert Martinez, Snooky Serna, Dina Bonnevie, Ruffa Gutierrez, kag Diamond Star Maricel Soriano.
Si Mother Lily ang kasado kay Remy Monteverde nga napatay sang Hulyo 29 ukon pila ka adlaw antes siya ang nagtaliwan man.
