𝗜𝗟𝗢𝗜𝗟𝗢 𝗖𝗜𝗧𝗬— Nagpasalig ang Land Transportation Franchising and Regulatory Board (LTFRB) Region VI sa mga kooperatiba nga magapadayon ang programa sang gobyerno nga Public Transport Modernization Program (PTMP) apisar sang resolusyon sang mga senador.
Sa interview sang Bombo Radyo kay Atty. Salvador June Altura, Legal Officer sang Land Transportation Franchising and Regulatory Board Region VI, iya ginpahayag nga sa ila pagsinapol sa cental office sang talatapan, nagpahayag ang Department of Transportation (DOTr) nga padayunon ang modernization program.
Suno kay Altura , ang resolusyon nga ginpaguwa sang senado ang isa lamang ka sentyemento sang senate kag wala nagakahulugan nga direkta nga untaton ang amo nga programa.
Ginpahayag man sini nga antes paman ini ipatuman, kinahanglan anay nga maaprobahan kag mag-agi sa presidente sang pungsod ang ginaduso nga tikang.
Wala naman dapat sang kabalak-an suno sa natungdan bangud gina-evaluate sang maayo sang Office of the President ang resolusyon nga ginpirmahan sang 22 ka mga senador.
