ILOILO CITY – Dakop ang isa ka manugbaligya sang isda sa drug buy bust operation sa Brgy. Tatoy, Miagao, Iloilo.
Ang arestado amo si Junass Garche, 42, residente sang Brgy. Pescadores, Guimbal, Iloilo.
Sa interview sang Bombo Radyo kay Police Captain Francis Donne Lomahan, hepe sang Miagao Municipal Police Station, iya ginpahayag nga nadakpan si Garche pinaagi sa ila gintingob nga pwersa sang Regional Police Drug Enforcement Unit 6.
Suno kay Lomahan, nakuna sa posisyon sini ang 10 grams sang suspected shabu nga may standard drug price nga P68,000.00
Sa subong, preso na ini sa Miagao Municipal Police Station kag nagapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
