ILOILO CITY-Nagpasa sang dugang nga mga dokumento si Sandro Muhlach sa National Bureau of Investigation (NBI) may kaangtanan sa criminal complaint nga iya ginpasaka batok sa duha ka independent contractors sang isa ka tv network.
Ang 23-anyos nga aktor ang gin-updan sang iya amay nga si former child star Niño Muhlach nga naghatag man sang iya official statement sa NBI.
Mangin ang representative halin sa hotel kun sa diin natabo ang ginaalegar pagmolestiya kay Sandro ang naghatag na sang Closed-circuit television (CCTV) footage matapos nag-isyu sang subpoena (supena) ang NBI.
Wala sang ginbuy-an nga statement ang mag-amay apang ginkumpirma ni Atty. Maggie Abraham-Garduque nga ang iya mga kliyente nga sanday Jojo Nones kag Richard Cruz, ang subjects sa complaint.
Ginkumpirma man niya nga nabaton na nila ang kopya sang subpoena nga gin-isyu sang NBI Public Corruption Division nga nagtalana sang hearing para sa imbestigasyon sa Agusto 9.
Una na nagfile sang formal complaint si Sandro sa iya network batok kanday Nones kag Cruz.
Ginpaidalom naman sa preventive suspension ang duha matapos ang pag-file ni Sandro sang complaint.
