Nagnubo sang 3.3 percent ang agricultural output sa ikaduha nga quarter subong nga 2024 bangud sa pagnubo sang balor sang crops kag livestock production.
Suno sa Philippine Statistics Authority (PSA), ang balor sang produksyon sa agriculture kag fisheries ang nagnubo sa P413.91 billion halin sa P427.69 billion sang nagligad nga tuig.
Ang crop production ang nagnubo sa P220.04 billion, ukon 8% nga mas manubo kun ipaanggid sa ikaduha nga quarter sang 2023.
Ginpahayag man sang ahensya nga nakarekord man sang pagnubo sa nasambit nga period ang produksyon sang humay kag mais.
Nakarekord man sang 0.3 percent nga pagnubo sa balor sang produksyon ang livestock, ukon P63.33 billion.
Sa pihak sini, nagtaas naman ang produksyon sa poultry kag fisheries sa P70.15 billion kag P60.40 billion sa ikaduha nga quarter sang 2024.
