ILOILO CITY- Patay ang isa ka babaye matapos ini gintiro sa nawong sang iya live-in partner nga pulis sa Davao City.
Ginkilala ang biktima nga si Justine Villaroja, residente sang Brgy. Buhangin sa amo nga syudad.
Ang suspek amo si Patrolman Alvin John Tayamin nga assigned sa Mandug Police Station sa Davao City Police Office apang tumandok sang Kidapawan City,Cotabato Province.
Sa imbestigasyon, nagainom ang biktima kag suspek sa Barangay Indangan sang nagbaisay ang mga ini bangud sa pagpangimon.
Didto na ginkuha sang suspek ang iya service firearm kag ginluthang ang biktima.
Nagsungka naman ang suspek kag mangatubang sang nagakaigo nga kaso.
