ILOILO CITY-Nagapati ang La Paz Police Station nga bastante ang ila ginauyatan nga mga ebidensya batok sa suspek sa pagpatay kay former Punong Barangay Ernie Poral sang Ingore, La Paz.
Ang arestado nga suspek amo si Nilo Guardaya, 39,residente sang Igcocolo, Guimbal, Iloilo.
Sa interview sang Bombo Radyo kay Police Captain Marlon Perez, iya ginpahayag nga magluwas sa duha ka mga testigo nga ginalakipan sang anak sang biktima kag sang isa ka tricycle driver nga nakakita sa suspek antes ang krimen, dako man ang bulig sang kuha sang closed circuit television camera.
Suno kay Perez, mapag-on man ang ginauyatan nila nga mga laragway ni Guardaya kun sa diin nagasalalanto gid ang itsura sini sa description sa gunman nga nagpatay kay Poral.
