CALINOG, ILOILO – Wala pa makilala ang lima ka mga katapo sang rebelde nga grupo nga napatay sa engkwentro sa Barangay Aglonok, Calinog Iloilo kahapon, Agosto 8.
Sa interview sang Bombo Radyo kay Liutenant Colonel J-Jay Javines, spokesperson sang 3rd Infantry Division sang Philippine Army, iya ginpahayag nga ginabanta pulo ka mga rebelde ang na-engkwentro sang mga katapo sang 12th Infantry Batallion.
Suno kay Javines, narekober man ang tatlo ka mga high-powered guns sa encounter site.
Kung madumdoman sang Lunes, Agosto 5, may engkwentro man nga natabo sa amo nga lugar nga nagresulta sa kamatayon sang isa ka katapo sang rebelde nga grupo.
Ini amo si Benjamin Cortel alias Mamang/Amor, ang Political Officer sang Regional Headquarters sang Central Front sang Komiteng Rehiyon – Panay.
