ILOILO CITY – Opisyal na nga nagbukas ang application para sa Miss Iloilo 2025 beauty pageant.
Ang Miss Iloilo ang isa sa mga highlight sang Dinagyang Festival nga ginapatigayon sa bulan sang Enero.
Sa interview sang Bombo Radyo kay Patrick Panes, creative director sang Miss Iloilo, iya ginpahayag nga kun sang una ang kada distrito ukon banwa lang ang mahimo makapasakop sa Miss Iloilo, sa subong, ginbuksan na ini sa mga estudyante nga luyag nga itiglawas ang ila eskwelahan ukon unibersidad, mga myembro sang organisasyon kag mga kumpaniya.
Lakip sa mga qualifications amo ang: ginbun-ag nga babaye, 5’5” ang height, naga-edad sang 18 tubtob 27 anyos kag may Ilongga heritage.
Lakip sa mga titulo nga agawan amo ang Miss Iloilo-Universe, Miss Iloilo-World, Miss Iloilo-Binibini, kag Miss Iloilo-The Miss Philippines.
Ipasa naman ni Alexie Brooks ang korona sa iya successor.
