𝗖𝗔𝗟𝗜𝗡𝗢𝗚, 𝗜𝗟𝗢𝗜𝗟𝗢— Nakilalal-an na ang lima ka mga rebelde nga napatay sa nagluntad nga engkwentro sa tunga sang Philippine Army kag Communist Terrorist Group – New People’s Army (CTG-NPA) sa Barangay Aglonok, Calinog, Iloilo.
Ini amo sanday:
- Aurelio Berjes Bosque, 57-anyos, alyas Burnok/ Bayjan/Sarco, kag Boy, residente sang Barangay Carvasana, Calinog, Iloilo.
- Jovelyn Silverio Alyas Darlyn/Kaykay/Akay kag Porang, residente sang Barangay Patria, Pandan, Antique;
- Armando Rogelio Sabares Alyas Kamlon/Nene/Kulot, kag Nono, residente sang Barangay Igcaratong, San Joaquin, Iloilo
- Rumulo Ituriaga Gangoso Alyas Reagan/Pedik/kag Randay, residente sang Sitio Tuwang-tuwangan, Barangay Bungsuan, Dumarao, Capiz;
- Jielmor Gauranoc, Alyas Doc/Tango/Baron, kag residente sang Brgy. Aras-asan, Sebaste, Antique.
Sa interview sang Bombo Radyo kay Lieutenant Colonel J-jay Javines, spokesperson sang 3rd Infantry Division, Philippine Army, iya ginpahayag lunsay may matag-as nga posisyon nga nahawidan ang mga napatay sa engkwentro.
Suno kay Javines, si Bosque ang myembro sang Regional Headquarters (RHQ) Executive Command (EXECOM) sang KR-Panay kag Spokesperson sang Bayan Muna – Panay sang tuig 2000.
Ini man ang amay ni Bryan Bosque nga anay spokesperson man sang nasambit nga organisasyon.
Ginkilala man sini nga si Silverio amo ang myembro sang Regional Sentro de Gravidad (RSDG) kag anay Platoon Political Officer; nangin Platoon Supply Officer man ini sang Madia-as Platoon Regional Headquarters, (RHQF), KR-Panay kag Political Officer sang SIBAT Platoon, Southern Front (Dismantled), KR-Panay.
Ginlaragway man sang natungdan nga si Sabares ang miyembro sang Squad 2, RHQF, KR-PANAY kag anay myembro sang EXECOM, KR-Panay kag isa ka ordinance expert sa pag-ubra sang Improvised Explosive Devices (IED) kon sa diin, involve sa IED bombing incidents sa Panay kag Negros.
Isa na diri ang natabo sa Barangay Datagan, Calinog sang tuig 2005 kung sa diin madamo ang nagkalamatay nga mga katapo sang Philippine Army.
Gintumod man ni Javines nga si Gangoso naman ang former Commanding Officer sang dismantled Eastern Front, KR-Panay kag gin designar bilang Commanding Officer sang RHQF, KR-Panay.
Samtang si Gauranoc naman ang miyembro sang RSDG, KR-P, former member sang Squad 1, Southern Panay Front (D), KR-Panay; former member sang Gaisano Squad, SPF, KR-Panay; former member sang Mazda Squad, Suzuki (SYP) Platoon, SPF, KR-P, kag miyembro sang Team 2, Sqd 1, Suyak (SDG) Platoon, SPF, KR-Panay.
Nahibaluan nga ang mga rebelde nga nakilalal-an ang ginkilala man sa bulig sang ila anay upod.
Sa subong, nagakoordinar na ang Philippine Army sa Department of Social Welfare and Development (DSWD) agud makahatag sang bulig pinansyal kag burial assistance sa pamilya sang mga nagkalamatay nga rebelde.
