𝗜𝗟𝗢𝗜𝗟𝗢 𝗖𝗜𝗧𝗬 — Hugot nga gin-implementar sang Iloilo City Traffic Management Unit (ICTMU) ang road clearing operation ilabi na sa mga salakyan nga wala nagasunod sa regulasyon sang syudad.
Sa interview sang Bombo Radyo kay Retired Police Colonel Uldarico Garbanzos, pinuno sang nasambit nga talatapan, iya ginpahayag nga masami nga naga-complaint amo ang mga kabarangayan sa syudad bangud man sa mga naga-obstruct nga salakyan sa mayor nga dalan.
Suno kay Garbanzos, padayon ang ila nga operasyon kag dugangan pa ang pwersa sang ila nga katapo agud nga ma-cover ang tanan nga reklamo nahanungod sa mga salakyan nga naga-obstruct.
Ginpahayag man sini nga masami nga nagaluntad ang ‘on road parking’ amo sa distrito sang Jaro kag City Proper, kon sa diin, hugot na nga ginabantayan sang mga barangay officials.
Gin-athag man sang natungdan nga ginaderetso na lang hakwat ang mga salakyan nga nagabayolar ilabi na kon wala ang mga drayber sini bangud man masami nga ginapahulat sang drayber ang mga traffic enforcers.
