ILOILO CITY-Nagpasaka sang kaso ang United Auto Workers Union sa US National Labor Relations Board batok kanday anay US President Donald Trump kag Tesla CEO Elon Musk bangud sa ginaalegar pagpamahog kag intimidasyon sa mga workers.
Ang tikang kasunod sang ginpatigayon nanday Musk kag Trump nga duha ka oras nga pagsugilanon sa social media platform X kun sa diin gindiskusyunan sang mga ini ang tuhoy sa mga workers nga nagabiya sa trabaho agud mag- strike.
Sa idalom sang federal law, ang workers indi mahimo mapahalin sa trabaho bangud lang sa pag- strike, kag ang pagpahog sa ila ang illegal sa idalom sang National Labor Relations Act, suno sa Union.
Ang UAW amo ang nagaendorso kay Vice President Kamala Harris sa iya handom nga mangin US president.
Nakigkita naman si Harris sa mga union officials kag workers sang nagligad nga semana sa Detroit agud pamatian ang ila mga sentimento.
