ILOILO CITY- Gintuad sang singer nga si Jessa Zaragoza nga nagpaidalom ini sa procedure agud kuhaon ang bukol sa iya tutunlan.
Suno kay Zaragoza, ini ang rason kun ngaa wala man ini nakapakita agud mag-perform sa concert sang iya bana sang Hulyo.
Gindugang naman ni Zaragoza nga apisar nangin successful ang procedure, na-stress pa gid ini matapos nga natapikan ini sang lain pa gid nga balatian.
Sa subong, padayon ini nga naga-recover agud maka-perform para sa iya fans sa iya masunod nga mga concerts.
