ILOILO CITY- Lubos ang pagpasalamat ni Iloilo City Lone District Cong. Julienne “Jam-Jam” Baronda matapos nanguna ini sa top performing representatives sa bug-os nga Western Visayas.
Nakakuha si Baronda sang 90.7% nga job performance rating.
Yari ang pahayag sang kongresista:
“Nagapangibabaw gid ang GUGMA sang mga Ilonggo kay Deputy Majority Leader kag Iloilo City Lone District Cong. Julienne “Jam-Jam” Baronda kag konpirmado ini sang survey sang RP Mission and Development Foundation kun sa diin numero uno ang mapisan nga congresswoman sa mga representante nagikan diri sa Western Visayas nga may 90.7% job performance rating.”
“Lubos gid ang aton pagpasalamat sa aton mga pinalangga kag maalam nga pumuluyo sa Syudad sang Iloilo kay padayon nila ginapapangibabaw ang GUGMA. Nahibaluan man sang tanan nga halin pagpungko ta sang 2019 nagtodo-todo kita obra kag ang mehora ta nga mga kasuguan, proyekto, ayuda, kag programa para sa Ilonggo napagkit na sa ila tagipusuon kag huna-huna. Gani padayon kita nagapangibabaw sa surveys kag sa ila mismo tagipusuon. Padayunon sang inyo alagad ang serbisyo publiko nga tudok sa tagipusuon, kag serbisyo nga bunga sang paghigugma.”
Ginpatigayon sang RPMD ang survey sang July 1-10, 2024, kag gintutukan ang pagtan-aw sang pumuluyo sa “three key parameters: district representation, legislative performance, and constituent service.
