Nagnubo sa number 3 ang Filipino Olympian kag pole vaulter nga si Ernest John “EJ” Obiena sandig sa rankings nga ginpaguwa sang World Athletics.
Gin-release ini nga update inadlaw matapos ang 2024 Paris Olympics kun sa diin ginkabos ang Pinoy pride sa men’s pole vault finals kag nagpang-apat lamang sa kumpetisyon.
Halin sang Hulyo 2023 tubtub sa Summer Games, naka-pwesto ang 28-anyos nga tumandok sang Tondo, Manila sa ikaduha nga rank.
Nagpabilin naman sa una nga pwesto ang pole vault superstar nga si Mondo Duplantis sang Sweden nga nakadepensa man sang iya gold medal sa Paris; samtang ang American naman nga si Sam Kendricks nga anay number 3 ang nagsaka sa ikaduha nga pwesto kasunod man sang silver medal finish sini sa Olympiada.
Ang bronze medalist naman nga si Emmanouil Karalis sang Greece ang nagsaka sa no. 4 halin sa number 8 sini nga rank nga nakuha sang Hulyo.
‘I AM BACK IN THE GAME’
Lakip si Obiena sa Filipino Olympians nga nagpauli sa Pilipinas sang nagligad nga adlaw kag nagpakigkita sa First Family sa Malacañan Palace, nagtambong sa homecoming ceremony sa iya alma mater nga Chiang Kai Shek College, kag nagbisita man sa Manila City Hall kun sa diin nakabaton ini sang P500,000 cash incentive.
Una ini nagpangayo sang pasaylo sa mga Pilipino bangud wala nakadala-pauli sang medalya, apang nagpasalig nga magabalik ini sa training.
Yari ang kabahin sang iya katapusan nga post kasunod sang Paris Games:
“I have been trying to read everyone’s messages to me, post-Olympics. So much to take from it but I draw two immediate conclusions.
- First, I am filled with gratitude for the support of all of you, and to be loved at times like this, by the country that raised me. I am indeed blessed!! Thank you!
- The measure of a man or woman is NOT a singular event—like the Olympics—but a cumulative or collective measure over time. I finished 4th in Paris, close but not good enough. I am not measured by this. I am measured by my career. I commit to everyone now, I am back in training, I am back in the game, and I am going to attack the rest of the season and make you proud. You are going to see more from me, and see the Philippine Flag raised and raised on a global stage.
Let’s get on with it!.”
