Nagpaandam ang United Nations Children’s Fund (UNICEF)sa halos tunga sa bilyon ka mga kabataan ang naga-eksperyensya sang extreme heat nga kainit kada tuig — ukon kapin pa — kon ikumpara sa mga tigulang.
Samtang ang pagbag-o sang klima padayon nga nagapataas sang temperatura sa bug-os nga kalibutan, isa sa lima ka kabataan — ukon 466 million ka kabataan — ang nagapuyo sa mga nakarehistro nga “at least double the number of extremely hot days every year” kon ipaanggid sa 60 ka tuig na ang nagligad.
Suno kay UNICEF advocacy chief Lily Caprani, ang mga lawas sang magagmay nga kabataan indi pareho sang magagmay nga mga adults, sila ang mas vulnerable sa tuman nga kainit.
Nagpaandam man ang natungdan sa publiko ilabi sang mga katalagman para sa mga nagabusong nga mga babayi.
Dugang pa, ang mga kabataan nagakadulaan sang edukasyon kon ang mga eskwelahan napilitan nga magsirado bangud sang mataas nga temperatura — nga nakaapekto sa indi magkubos sa 80 million ka kabataan sang 2024 tubtob subong.
