π ππ‘πππ βNagnubo ang numero sang mga pamilya nga Pilipino nga nagakabuhi sa kapigaduhon sang tuig 2023 kon ikumparar sa duha ka tuig antes sini, base sa resulta sang Philippine Statistics Authority (PSA) Family Income and Expenditure Survey (FIES).
Natukiban sa pinakaulihi nga FIES nga ang numero sang mga imol nga Pilipino sang nagligad nga tuig naglab-ot sa 17.54 million, mas manubo sa 19.99 million ka mga pigado nga indibidwal sang 2019.
Bilang porsyento sang kabug-usan nga populasyon, ang kadamuon sang mga pigado nga Pilipino nagakahulugan sang incidence rate nga 15.5%, nga nagnubo gikan sa 18.1% sang 2021.
Ang numero sang mga pigado nga indibidwal katumbas man sa 2.99 million ka pamilya nga Pilipino nga ginakabig nga imol gikan sa 3.5 million ka pamilya sang 2021, nga nagakahulugan sang poverty incidence rate sa mga pamilya nga 10.9%, nga nagnubo gikan sa 13.2% duha ka tuig na ang nakaligad.
Para sa 2023, ang poverty thresholdβang minimum nga kita nga kinahanglanon para sa isa ka pamilya agud masabat ang mga nagapanguna nga kinahanglanon sa pagkaon kag non-food requirementsβna-set sa national average nga P13,873 kada bulan, mas manubo sang sa poverty ceiling nga P11,998 sang 2021.
Nagakahulugan ini nga agud makabig nga imol, ang bulanan nga kita sang isa ka pamilya dapat magnubo sa threshold.
