𝗜𝗟𝗢𝗜𝗟𝗢—Pabor si Iloilo Governor Arthur Defensor, Jr. nga ipaidalum sa drug tests ang mga officials sang gobyerno kaangot man sa ginaduso nga hagna ni Davao City 1st District Representative Paulo Duterte.
Sa interview sang Bombo Radyo kay Governor Defensor, iya ginpahayag nga ang ginaduso nga hagna ni Duterte nga magpatuman sang drug tests sa mga opisyal sang gobyerno sa kada anom ka bulan ang mahal bangud nagakinahanglan ini sang dugang nga pondo.
Suno kay Defensor, bilang local chief executive, mas makapamaayo kon randmon kag surprise drug test ang ipatuman agud nga wala sang nakahibalo sa mga opisyal kon san-o ini hiwaton.
Ginpahayag man sini nga mas makapamaayo kon indi maghatag sang date ukon adlaw kon san-o patigayunon ang test agud nga indi makamalibad ang mga government officials.
Nahibaluan nga ang gin-file ni Representative Duterte nga house bill 10744 ang may tinutuyo nga amyendaran ang RA 9165 ukon Comprehensive Dangerous Drugs Act of 2022.
