𝗜𝗟𝗢𝗜𝗟𝗢 𝗖𝗜𝗧𝗬 — Ginpanginwala ni Iloilo City Councilor Ely Estante nga siya ang magapapili bilang bise-alkalde sa Iloilo City sa palaabuton nga 2025 elections.
Ini kasunod man sang paglakip ni Former Iloilo City Mayor Jed Patrick Mabilog sa pangalan ni Estante sa iya facebook posts kaangot sa eleksyon.
Sa interview sang Bombo Radyo kay Councilor Estante, iya ginpahayag nga ang paglakip sang anay alkalde sa iya nga pangalan ang isa lamang ka akto sang pag-abyanay nila bilang anay magkaupod sa konseho.
Suno kay Estante, wala ini nagakahulogan nga may yara siya sang plano para palaabuton nga eleksyon bangud tuyo sini nga tutokan ang iya edukasyon kon matapos ang iya nga termino sa politika.
Ginpahayag man sini nga sa subong, ginahatagan man niya sang igtalupangod ang mga ordinansa nga iya ginpasar agud nga may legasiya man siya nga ibilin kon magabiya na ini sa politika.
Gin-athag man sang natungdan nga apisar sang iya plano nga pasangkaron ang ihibalo sa edukasyon, magapabilin sa gihapon sa iya ang public service kag kon tanyagan man siya ni Iloilo City Mayor Jerry Treñas nga mangin executive assistant, batunon niya ini kag indi magpamalibad.
