𝗜𝗟𝗢𝗜𝗟𝗢 𝗖𝗜𝗧𝗬 —Ginlaragway ni Iloilo City Lone District Representative Julienne “Jam-jam” Baronda nga simple lang ang nagtulod sa iya agud iduso nga limpyohan ang pangalan sang Iloilo City matapos ini nga gintawag nga “most shabulized City” sang anay administrasyon ni Former President Rodrigo Duterte.
Sa interview sang Bombo Radyo kay Representative Baronda, iya ginpahayag nga sa pila ka tuig nga siya ang nagapungko bilang congresswoman sang syudad, masami nga may nagapamangkot sa iya kon matuod bala nga most shabulized city ang syudad.
Suno kay Baronda, lakip man sa nagtulod sa iya amo ang pagpamatuod nga wala sang sala kag ano man nga koneksyon sa iligal nga droga ang anay alkalde sang Iloilo City nga si Jed Patrick Mabilog.
Ginpahayag man sini nga kinahanglan hitsuon ang ginbansag sa syudad kag dapat na ini nga insaktuhon ilabi na nga mas kilala ang syudad bilang mapinalanggaon.
Gintumod man sang mamalidha nga nangin rason man ang bansag sa syudad agud nga tukibon ang data sang Philippine National Police (PNP) kag Philippine Drug Enforcement Agency (PDEA) kon yara gidman ang pangalan ni Mabilog sang tuig 2017.
Nagapati ang natungdan nga ‘unfair’ para sa Iloilo City kag kay Mabilog kon indi mahatagan sang hustisya ang natabo sa idalum sang nagligad
