𝗢𝗧𝗢𝗡, 𝗜𝗟𝗢𝗜𝗟𝗢 —Ginalantaw sang Oton Municipal Police Station nga posible self-defense ang ginhimo sang pulis nga nagtiro-patay sang iya suod nga abyan sa Barangay Sta. Rita, Oton, Iloilo.
Ang suspek amo si Patrolman Mike Tagacay, legal ang edad, kasado, residente sang nasambit nga barangay kag assigned sa Oton Municipal Police Station.
Ang biktima naman amo si Maria Librias Billones, 50, residente man sang nasambit nga lugar.
Sa interview sang Bombo Radyo kay Police Captain Lunelyn Talamillo, hepe sang Oton Municipal Police Station, iya ginpahayag nga magkaupod pa ang duha ka mag-abyan sang nagpadulong sa tyangge agud magbakal sang duha ka botelya sang makahulubog nga ilimnon antes natabo ang insident.
Suno kay Talamillo, santo sa ila inisyal nga imbestigasyon, may sling bag nga dala ang biktima nga may unod sang calibre 45 nga armas.
Gintumod man sini nga nakita sang pulis nga naghana bukas ang biktima sang iya nga bag agud nga magkuha sang armas, rason man nga gin-unahan na lang tiro sang suspek nga pulis.
Bangud diri, patal nga igo sa dughan kag tiyan ang naagum sang biktima.
