π ππ‘πππ βNagnubo pabalik sa P57 ang peso sang Pilipinas: $1 nga lebel sang Biernes, isa ka adlaw pagkatapos nga ginbuhinan sang Bangko Sentral ng Pilipinas (BSP) ang policy rates sa labing una nga tion sa sulod sang halos apat ka tuig.
Ang lokal nga kuwarta nagnubo sang 34.5 centavos agud magsira sa P57.245:$1 halin sa pagtapos sang Huwebes nga P56.9:$1.
Suno kay Michael Ricafort, chief economist sang Rizal Commercial Banking Corp. (RCBC),ang pagnubo sang balor sang peso nag-abot isa ka adlaw pagkatapos sang -0.25 [porsyento] nga pagnubo sa lokal nga mga polisiya sa 6.25%.
Sang Huwebes, ang Monetary Board sang BSP nagbuhin sang mga policy rates sang 25 basis points, nga nagdala sang target nga reverse repurchase (RRP) rate sa 6.2%, ang overnight deposit rate sa 5.75%, kag ang overnight lending facility rate sa 6.75%.
Ini ang una nga pag-adjust halin sang 25-basis point off-cycle hike sang Oktubre 2023, kag ang first cut halin sang 25-basis point nga pagnubo sang Nobyembre 2020.
Suno naman kay Security Bank chief economist Robert Dan Roces, sa iya bahin, nagsiling nga ang dolyar sang Estados Unidos nag-uswag ang datos sang mga sales and jobs data sang Estados Unidos makatilingala nga nag-imprinta sang mas mabaskog sangsa mga pagbanta.
Ginsulit ini ni Ricafort, nga nagasiling nga ang greenback nakaangkon sang footing batok sa iban nga global currencies pagkatapos sang mas maayo sangsa ginapaabot nga mga retail sales and jobless claims data sang Estados Unidos nga mahimo makapanubo sang risk of recession.
