ILOILO – Ginpakigbahin sang duha ka magkahagugma nga Ilongggo filmmakers ang ila inspirasyon sa paghimo sang pelikula nga “Tumandok” nga hakot awards sa 20th Cinemalaya Philippine Independent Film Festival.
Ini amo sanday Richard Jeroui Salvadico sang Sta. Barbara, Iloilo kag Arlie Sweet Sumagsay sang Simon Ledesma, Jaro, Iloilo City, lunsay graduates sa Central Philippine University.
Sa interview sang Bombo Radyo kay Sumagaysay, iya ginpahayag nga ang “Tumandok” nga nagakahulugan bilang “The Native”, ang nagapakita sang pagpakigbato sang mga Ati sa ila dutang natawhan.
Nakatutok ang pelikula sa mga Ati nga naga-istar sa Sitio Karabangkalan sa Barotac Viejo, lloilo.
Bangud man sa pelikula, nangin palaagyan ini agud mahatagan sang kasanagan ang mga indigenouse peoples’ kag makapangayo sang bulig sa nagkalain-lain nga sector sa komunidad.
Naglawig naman sang duha ka bulan ang ila pagtinir sa lugar, tubtob natapos ang pelikula.
Nahibaluan nga lakip sa mga nakuha nga awards sang pelikula amo ang Best Film, Best Original Music Score, Best Screenplay, NETPAC Full-length Feature Award, kag Best Supporting Actor si Felipe Ganancial.
