𝗜𝗟𝗢𝗜𝗟𝗢 —Nagpasalig si Iloilo Governor Arthur Defensor, Jr. nga yara na sa recovery stage ang Iloilo sa African Swine Fever (AFF).
Sa interview sang Bombo Radyo kay Governor Defensor, iya ginpahayag nga nagpatigayon na sila sang inspection sa kada piggery sa probinsya.
Suno kay Defensor, sa bug-os nga Western Visayas, ang Iloilo ang may pinakamadamo nga lugar sa pink zone nga nagakahulugan nga wala sang narekord nga kaso sang African Swine Fever kag magaserbe nga barrier ukon buffer zone batuk sa paglapta sang sini nga balatian.
Suno sa iya, sa tion nga magsulod ang mga baboy sa Iloilo, magapangayo sa gihapon sang dokumento ang mga manugbaligya agud masiguro nga safe sila sa African Swine Fever.
Una nga ginpahayag sang gobernador nga magahatag ang probinsya sang libre nga piglets bilang kabahin sang sentineling program agud mabuligan ang mga hog raisers.
