𝗜𝗟𝗢𝗜𝗟𝗢 𝗖𝗜𝗧𝗬 —Nagapati ang punong barangay sang Brgy. Baldoza, Lapaz, Iloilo City nga wala sang kaangtanan sa politika ang ginapahayag pagsipa sang iya kagawad nga si Freddie Jarbadan kay Josie Bendanillo.
Sa interview sang Bombo Radyo kay Punong Barangay Joma Javellana, iya ginpahayag nga tuyo gid sini nga ipatawag ang nasambit nga indibidwal agud mahibaluan sini ang matuod-tuod nga natabo bangud wala niya ini nakit-an.
Suno kay Javellana, kon pwede lang man nga indi na pagpadakuon pa, istoryahan na lang sang duha ka kampo agud nga mahitso ang ila nga indi pag-intindihanay.
Ginpahayag man sini nga parte lamang sa lamesa ang ginhalinan sang ila nga pag-inaway kag malayo ini sa pulitika.
Hugot naman ang pagpati sang natungdan nga posible may daan nga hiligut-anon ang duha antes paman nga natabo ang insidente.
