𝗜𝗟𝗢𝗜𝗟𝗢 —Nagapati si Iloilo 4th District Board Member Rolando Distura nga dapat ang effort sa pagtapna sang dengue ang ‘all year round’ kag wala untat agud nga indi na magbalik-balik pa ang amo nga balatian.
Ini kasunod man sang pagdeklara sang Sangguniang Panlalawigan sa Iloilo bilang yara sa state of calamity bangud sa dengue outbreak.
Sa interview sang Bombo Radyo kay Board Member Distura, iya ginpahayag nga kinahanglan nga mag-adopt ang pumuluyo bangud bisan ang mga lamok ang naga-adopt man sa pagbag-o sang panahon ukon climate change.
Suno kay Distura, kinahanglan nga mangin regular activity ang pagpanglimpyo agud tayuyon man ang pagbato sa mga lamok agud nga matigayon na ini nga mapapas kag matapna.
Ginpahayag man sini nga dapat tanan nga sektor sang sosyudad ang kinahanglan nga partisipar kag magbinuligay bangud indi in masarangan sang gobyerno kon wala sang approach ukon bulig sang mga pumuluyo.
Ginaduso man sang natungdan nga nagakadapat na nga gamiton ang ikasarang sang bag-o nga mga teknolohiya agud nga mas mapadasig ang mga tikang nga nagaaway sa lamok, kaangay na lamang sa spraying kag misting.
