Ma-imagine mo ayhan kun ano ka gahmanan ang isa ka gunting?
Daw ka budlay gid panumdumon no bangud ang gunting ginagamit lang naton sa pag-gunting sang papel, buhok kag tanan nga bagay nga pwede gamitan sang gunting.
Pera nagsulod bala sa pinsar mo nga gunting mahimo mag-apekto sa operasyon sang isa sa busiest airport sa kalibutan?
Sang damlag lang, malapit 40 ka mga flights ang gincancel kag 201 ka mga flights ang na- delay sa isa ka Japanese airport.
Ini matapos nga nadula ang isa ka gunting sa isa ka store malapit sa boarding gates.
Kasunod sini, gin-suspend ang Security checks sa New Chitose Airport domestic terminal sa Hokkaido sa sulod sang duha ka oras nga nagresulta sa pagka-stranded sang ginatos ka travellers.
Naggilinutok ang mga pasahero sa departure lounge kag napilitan nga magpaidalom liwat sa security checks.
Gintinguhaan sang otoridad nga pangitaon ang nadula nga gunting nga sang ulihi, nakit-an man lang sa sulod sang amo nga store.
Apisar nga madamo ang nahul-an, madamo naman ang nagdayaw sa response sang airport sa insidente kag labi pa nga nagdako ang ila pagsalig sa Japanese air safety.
Ang New Chitose isa sa pinakamasako nga airports sa Japan kag nagaserbisyo sa second-most travelled domestic air route – sa tunga sang Tokyo kag Sapporo.
Sang 2022, masobra sa 15 million travellers ang naggamit sang amo nga paluparan.
