ILOILO CITY- Nagbaton sang pasidungog ang mga myembro sang banda nga Eraserheads paagi sa medalya halin sa University of the Philippines (UP) Gawad Oblation para sa kontribusyon sang ila banda sa pungsod kag sa unibersidad.
Isa- isa nga ginhatagan sang medalya sanday Ely Buendia, Raimund Marasigan, Buddy Zabala, kag Marcus Adoro, lunsay former students sang unibersidad,sa ginpatigayon nga seremonya sa UP Diliman sa Quezon City.
Suno kay University of the Philippines System President Atty. Angelo Jimenez, ang Gawad Oblation ginlunsar sang 2017 kag nagatuyo nga magkilala sa ekstraordinary nga serbisyo kag kontribusyon sa ngalan sang UP.
Ang pasidungog ginhatag sa Eraserheads bangud sa ila “enduring excellence” bilang banda nga nagapakita sang commitment sang UP sa promosyon sang national pride kag cultural excellence.
Ang Eraserheads amo ang nagpasikat sang kanta nga Huling El Bimbo,Ligaya,Pare Ko,kag madamo pa.
