Nagpaguwa sang abiso ang Iloilo City Traffic Management Unit kaangot sa road closure buwas, Agusto 23, kadungan sang pagbalik sang Calle Real Night Street Market.
Sa interview sang Bombo Radyo kay Retired Colonel Uldarico Garbanzos, head sang unit, iya ginpahayag nga siraduhan ang Calle Real halin sa bilog nga Guanco Street pakadto sa Mapa Street umpisa 5:00 sa hapon tubtub 12:00 sa kaagahon.
Diri nga lugar ipahamtang ang food kiosks nga mahimo lagawan sang mga pumuluyo kag mga bisita para magbakal sang mga pagkaon.
Kabahin sang traffic advisory:
INBOUND
– From JM Basa Street going to Plaza Libertad turn RIGHT Guanco Street turn LEFT Rizal Steet turn LEFT Ortiz Street turn RIGHT JM Basa Street proceed to their place of destination
OUTBOUND
– From Gen. Hudges Street going to Fermin Caram Street turn RIGHT Zamora Street turn LEFT Calasan Street turn RIGHT Delarama Street turn LEFT Hervas Street to Muelle Loney Street turn LEFT Guanco Street turn RIGHT JM Basa Street proceed to their place of destination
Amo man ini ang ginpatuman nga rerouting scheme sang nagligad nga night market sang Agusto 16-18, kag halin buwas tubtub 25.
May ginpreparar ang traffic management unit nga 21 ka mga personnel nga magbulig-manehar sa dalagan sang trapiko agud nga malikawan ang huol nga matuga sa mga motorista.#
(Photo: Jerry Treñas/FB)
