𝗜𝗟𝗢𝗜𝗟𝗢 —Ginpang-tsekyar ni Iloilo Governor Arthur Defensor, Jr. ang pila ka mga opsital sa probinsya agud nga makit-an ang sitwasyon sang mga pasyente nga nagpositibo sa dengue kag kon pila ang mga unod sini.
Sa interview sang Bombo Radyo kay Governor Defensor, iya ginpahayag nga katuyuan sang iya nga tikang amo agud nga mahibaluan ang trend sang dengue patients sa probinsya.
Suno kay Defensor, sa subong, nagnubo ang trend sang dengue cases sa probinsya, kon sa diin, ang na-record sa banwa sang Cabatuan nga halin sa 17 patients, yara na lang sa 11; samtang sa Janiuay, halin sa 26 patients, nagnubo ini sa 15 patients; sa Lambunao, halin sa 11 ka pasyente, may yara na lamang subong sang 8 patients; samtang sa Calinog, halin sa 40 ka mga patients, sa subong 33 na lamang.
Ginpahayag man sini nga sa pihak sini, indi dapat anay magkampante ang mga pumuluyo bangud ang dengue ang nagapabilin nga yara lang sa gihapon sa palibot.
Gin-athag man sang gobernadora nga indi sa gihapon matumod kon pila ang posible nga magdugang sa mga kaso sang amo nga balatian.
Nahibaluan nga sang 2019 sang nagduging man ang dengue cases sa probinsya, nagnubo ini sa tunga-tunga sang Agosto, apang suno sa gobernador, kinahanglan sa gihapon nga magpreparar.
Nagpasalig naman ini nga handa ang provincial government agud nga magbakal sang kinahanglanon kaangay na lamang sang dengue test kits kag mga spray agud nga makabulig sa clustering sa mga barangay.
Sa subong, may pulo na ka mga napatay sa probinsya bangud sa dengue.
